პროექტი “ახალგაზრდები მშვიდობისთვის სამხრეთ კავკასიაში” წარმატებით მიმდინარეობს და ამჯერად, პედაგოგებს უმასპინძლა. მასწავლებლებმა სამეგრელოდან, ქვემო ქართლიდან და თბილისიდან გაიარეს ტრეინინგი სამშვიდობო განათლებაში, აიმაღლეს ცნობიერება მშვიდობის მშენებლობასთან დაკავშირებულ საკითხებზე, დაუახლოვდნენ ერთმანეთს და ჯგუფში გააზიარეს საკუთარი პედაგოგიური პრაქტიკა.
ტრეინინგს უძღვებოდა “ნაციონალიზმისა და კონფლიქტების კვლევის ინსტუტუტის” დირექტორი, ქალბატონი ნინო კალანდარიშვილი.
მონაწილეებმა კიდევ ერთხელ გაუსვეს ხაზი თანამშრომლობისა და ინტერკულტურული დიალოგის აუცილებლობას და იმსჯელეს ურთიერთთანამშრონლობის გზებზე. პროექტი ხორციელდება შვეიცარიული ორგანიზაცია HEKS-EPER-ის ფინანსური მხარდაჭერით.
