პროექტის - “ქართულ-ოსური სამშვიდობო ინიციატივა” - ფარგლებში, ბოლნისის სკოლა “დავითიანსა” და სოფელ ლამოვანის საჯარო სკოლაში ჩატარდა სასკოლო სესიები “კონფლიქტები, თანასწორობა და მიმღებლობა”. მოწვეული ტრენერის, კონფლიქტის ტრანსფორმაციის ექსპერტის, ელიკო ბენდელიანის დახმარებით, მოსწავლეებმა მეტი გაიგეს კონფლიქტების, მისი ფაზების, მოგვარებისა და მედიაციის შესახებ, იმსჯელეს ტოლერანტობის, თანასწორობის, კულტურული მრავალფეროვნების საკითხებზე.
17 დეკემბერს, პროექტის - სასწავლო-შემეცნებითი ექსკურსიები (დონორი: სს თელასი) ფარგლებში, კიდევ ერთი სასწავლო ექსკურსია ჩატარდა, რომელშიც ამჯერად მონაწილეობა მიიღეს მარნეულის მუნიციპალიტეტის საჯარო სკოლების ეთნიკურად აზერბაიჯანელმა მოსწავლეებმა. დასკვნითი ღონისძიების ფარგლებში, ახალგაზრდებმა ყვარელში მოინახულეს ილია ჭავჭავაძისა და მარჯანიშვილების სახლ-მუზეუმი, ფულის მუზეუმი; ასევე ისტორიული მნიშვნელობითა და არქიტექტურით გამორჩეული გრემის მუზეუმ-ნაკრძალი.
8 დეკემბერს, ფონდ „ლაზარეს“ ორგანიზებით, პროექტის - „ახალგაზრდები მშვიდობისთვის სამხრეთ კავკასიაში“ - ფარგლებში, თბილისში, სასტუმრო „რედისონ ბლუ ივერია“-ში გაიმართა შეხვედრა „მრავალფეროვნების ჰარმონია - თანამშრომლობის პერსპექტივები ახალგაზრდების გასაძლიერებლად და სათემო მშვიდობის უზრუნველსაყოფად“. შეხვედრაში მონაწილეობას იღებდნენ სხვადასხვა კონფესიების წარმომადგენელი სასულიერო პირები (ქართული მართლმადიდებელი ეკლესიის, საქართველოში სომხური სამოციქულო ეკლესიის და საქართველოს მუსლიმური თემის წარმომადგენლები) და მშვიდობის მშენებლობის/ახალგაზრდების გაძლიერების სფეროში მომუშავე პირები.
პროექტის - სასწავლო-შემეცნებითი ექსკურსიები (დონორი: სს თელასი) ფარგლებში, 19 ნოემბერს, მორიგი გასვლითი ღონისძიება ჩატარდა, რომელშიც მონაწილეობა მიიღეს ქვემო ქართლის რეგიონის, ბოლნისის მუნიციპალიტეტის საჯარო სკოლების ეთნიკურად აზერბაიჯანელმა მოსწავლეებმა. ახალგაზრდებმა მოინახულეს ალექსანდრე ჭავჭავაძის სახლ-მუზეუმი, მე-19 საუკუნის უნიკალური ღვინის მარანი, წინანდლის ულამაზესი ბაღი, გიორგი ჩუბინაშვილის სახელობის თელავის ისტორიულ-ეთნოგრაფიული მუზეუმი, ერეკლე II სასახლე და 900 წლოვანი ჭადარი.
პროექტის - სასწავლო-შემეცნებითი ექსკურსიები (დონორი: სს თელასი) ფარგლებში, პირველ გასვლით ღონისძიებაში მონაწილეობა მიიღეს სამცხე-ჯავახეთის რეგიონის საჯარო სკოლების ეთნიკურად სომეხმა მოსწავლეებმა, რომელიც 28 ოქტომბერს ჩატარდა. ახალგაზრდებმა მოინახულეს გელათი, მოწამეთა, ბაგრატის ტაძარი, პრომეთეს მღვიმე და ქუთაისის ღირშესანიშნაობანი.
მიმიდინარე წლის 4-7 სექტემბერს, საქველმოქმედო ფონდ "ლაზარეს" პროექტის - “ახალგაზრდები მშვიდობისათვის სამხრეთ კავკასიაში” - ფარგლებში, ბობოყვათის საპატრიარქო რეზიდენციას პატივი ჰქონდა ემასპინძლა სხვადასხვა კონფესიის წარმომადგენელი სასულიერო პირებისთვის. სამუშაო შეხვედრაში მონაწილეობას იღებდნენ ქართული მართლმადიდებლი ეკლესიის, საქართველოში სომხური სამოციქულო ეკლესიის და საქართველოს მუსლიმური თემის წარმომადგენლები.
რუმინეთის ქალაქი ტიმოშორა, ამა წლის 31 აგვისტოდან 3 სექტემბრის ჩათვლით, ახალგაზრდა მართლმადიდებელთა საერთაშორისო ფორუმს მასპინძლობდა. აღნიშნულ ფორუმში, სრულიად საქართველოს კათოლიკოს-პატრიარქის ილია II-ის ლოცვა-კურთხევით მონაწილეობდნენ ახალგაზრდული მოძრაობა „დავითიანნი“, საქველმოქმედო ფონდი „ლაზარე“ და ახალგაზრდა ლიდერთა სკოლა.
საქართველოს საპატრიარქოს საქველმოქმედო ფონდი ,,ლაზარე” საქართველოს განათლებისა და მეცნიერების სამინისტროს და საქართველოს საპატრიარქოს მხარდაჭერით, უკვე 5 წელია წარმატებით ახორციელებს პროექტს სახელწოდებით: ,,ქართულ–ოსური სამშვიდობო ინიციატივა,“ რომელიც მიზნად ისახავს ჩამოაყალიბოს კეთილგანწყობა და აღადგინოს მეგობრული ურთიერთობები ქართველებსა და ოსებს შორის. პროექტის ფარგლებში, მიმდინარე წლის 17–26 ივლისს, ჩატარდა ახალგაზრდული გაცვლითი პროგრამა (საზაფხულო ბანაკი), სადაც 40 ქართველმა და ოსმა ახალგაზრდამ (ჩრდილოეთ ოსეთიდან) ათი დაუვიწყარი დღე გაატარა.
საქართველოს საპატრიარქოს საქველმოქმედო ფონდ "ლაზარეს" პროექტის - "ახალგაზრდები მშვიდობისათვის სამხრეთ კავკასიაში" - ცენტრალური აქტივობა - სამშვიდობო ახალგაზრდული გაცვლა (საზაფხულო ბანაკი), 5- დან 14 ივლისამდე, 32 ეთნიკურად აზერბაიჯანელი, სომეხი და ქართველი ახალგაზრდების მონაწილეობით წარმატებით ჩატარდა და წელსაც გამორჩეულად საინტერესო და ემოციური გახლდათ.
პროექტი “ახალგაზრდები მშვიდობისთვის სამხრეთ კავკასიაში” წარმატებით მიმდინარეობს და ამჯერად, პედაგოგებს უმასპინძლა. მასწავლებლებმა სამეგრელოდან, ქვემო ქართლიდან და თბილისიდან გაიარეს ტრეინინგი სამშვიდობო განათლებაში, აიმაღლეს ცნობიერება მშვიდობის მშენებლობასთან დაკავშირებულ საკითხებზე, დაუახლოვდნენ ერთმანეთს და ჯგუფში გააზიარეს საკუთარი პედაგოგიური პრაქტიკა.