2017 წლის 14 ივლისიდან 25 ივლისამდე, საქართველოს საპატრიარქოს საქველმოქმედო ფონდი ,, ლაზარე“, მშვიდობისა და რეინტეგრაციის რეგიონალურ ქსელთან, სომხეთის არასამთავრობო ორგანიზაცია ,, სიუნიკთან” და აზერბაიჯანელ ქალთა კავშირთან ერთად პროექტის- ,,ახალგაზრდები მშვიდობისათვის სამხრეთ კავკასიაში“-ფარგლებში ახორცილებს საზაფხულო ბანაკების პირველ ნაკადს სომხეთში.
პროექტის მიხედვით 16-დან 18 წლამდე ასაკის ქართველი, აფხაზი, სომეხი და საქართველოში მცხოვრები აზერბაიჯანელი მოზარდი გაეცნობა ერთმანეთის კულტურას, ტრადიციებსა და ისტორიას, ასევე კონფლიქტების მართვის უნარ-ჩვევებს, რაც მომავალში ხელს შეუწყობს ახალგაზრდების ერთმანეთთან დამეგობრებას. პროექტი 2007 წლიდან შვეიცარიული ორგანიზაცია HEKS_EPER-ის ფინანსური მხარდაჭერით ხორციელდება.