2016 წლის 23 დეკემბერს, სასტუმრო “ამბასადორში”, შვეიცარიული ორგანიზაცია HEKS-EPER-ის ფინანსური მხარდაჭერით, „მშვიდობისა და რეინტეგრაციის რეგიონალური ქსელისა” და საპატრიარქოს საქველმოქმედო ფონდ „ლაზარეს“ ორგანიზებით, გაიმართა კონფერენცია: “სამხრეთ კავკასიაში მიმდინარე სამშვიდობო პროცესები - არსებული ვითარება და გამოწვევები”.
ღონისძიებაში მონაწილეობდნენ სამთავრობო და არასამთავრობო სექტორის წარმომადგენლები, რომლებმაც იმსჯელეს კონფლიქტის ტრანსფორმაციის მიმართულებით უკვე გადადგმულ ნაბიჯებსა და არსებულ ვითარებაზე; ზემოქმედების მექანიზმებზე, კონფლიქტების მშვიდობიანი მოგვარების საშუალებებსა და შესაძლო პრაქტიკული მიდგომების ჩამოყალიბებაზე.