2015 წლის 10 ივნისს, გალერეა „შავთელში“ საქართველოს საპატრიარქოს საქველმოქმედო ფონდმა ,,ლაზარემ“, „მშვიდობისა და რეინტეგრაციის რეგიონალურ ქსელთან“ ერთად გამართა შეხვედრა მასმედიის წარმომადგენლებთან, სადაც მოეწყო პროექტის - „ახალგაზრდები მშვიდობისათვის სამხრეთ კავკასიაში“ - პრეზენტაცია.
აღნიშნული პროექტის მიზანია: ახალგაზრდების მობილიზება და მხარდაჭერა რეგიონში მშვიდობის მშენებლობისთვის, ასევე სამოქალაქო საზოგადოებრივ ორგანიზაციებთან თანამშრომლობით ერთიანი სამშვიდობო ხედვის ჩამოყალიბება და ფართო მასებისათვის გაცნობა საქართველოსა და სომხეთში.