საქართველოს საპატრიარქოს საქველმოქმედო ფონდ,,ლაზარეს“ პროექტის -,,ახალგაზრდები მშვიდობისათვის სამხრეთ კავკასიაში“ - ფარგლებში, რომელსაც ფონდი პარტნიორებთან ერთად 2007 წლიდან შვეიცარიული ორგანიზაცია HEKS/EPER-ის ფინანსური მხარდაჭერით ახორციელებს, 2017 წელს გამოცხადებული საგრანტო კონკურსის ერთ-ერთმა გამარჯვებულმა 16 წლის ალექსი სვანიძემ სამშვიდობო თემატიკაზე შექმნილი მცირე მასშტაბიანი პროექტი წარმოადგინა.
ალექსიმ საკუთარ ქალაქში-ზესტაფონში, მუნიციპალიტეტის, მერის-კახაბერ მახათაძისა და ,,ჯორჯიან მანგანეზის“ მხარდაჭერით, მშვიდობის სიმბოლო ფეროშენადნობთა ქარხნის კედელზე გადმოიტანა.
პროექტის- ,,ახალგაზრდები მშვიდობისათვის სამხრეთ კავკასიაში“- მიზანია სხვადასხვა აქტივობების საშუალებით მოახდინოს ახალგაზრდა თაობის აქტიური ჩაბმა მშვიდობის მშენებლობის პროცესში.
