2014 წლის 28-29 ივნისს, სამების ტაძრის ახალგაზრდულ ცენტრში, ფონდ ,,ლაზარეს“ ორგანიზებით, სახელობო -პროფესიული სწავლების პროექტში მონაწილე მოზარდების ნამუშევრების გამოფენა-გაყიდვა გაიმართა, სადაც წარმოდგენილი იყო ფერადი ლითონებისგან დამზადებული სამკაულები, ხის ნაკეთობები, სამკერვალო ნაწარმი, ნახატები, გობელენი და თექისგან დამზადებული ნივთები.
სახელობო- პროფესიული სწავლების პროექტს ფონდი ,,ლაზარე“ 2006 წლიდან შვეიცარიის არასამთავრობო ორგანიზაცია HEKS_EPER-ის, ხოლო 2010 წლიდან კი სს „თელასის” მხარდაჭერით ახორციელებს. სახელოსნოებში, სხვადასხვა კატეგორიის სოციალურად დაუცველი მოზარდი უსასყიდლოდ ეუფლება ხისა და ფერადი ლითონების დამუშავების ტექნოლოგიას, მინანქარს, ხატვას, გობელენს, ქარგვასა და ჭრა-კერვას.