2018 წლის 25 დეკემბერს, თბილისში, პროექტის ,,ახალგაზრდები მშვიდობისათვის სამხრეთ კავკასიაში“ ფარგლებში, მასწავლებლებისთვის გაიმართა სემინარი თემაზე- ,,კონფლიქტის სენსიტიურობის და ტოლერანტობის საკითხები სასწავლო პროცესში”.
მოწვეულმა მოდერატორმა ნინო კალანდარიშვილმა( ნაციონალიზმისა და კონფლიქტების კვლევის ინსტიტუტი), ისაუბრა კონფლიქტის არსზე, კონფლიქტურ სიტუაციებში ქცევის სტრატეგიებსა და ტიპებზე, სასკოლო გარემოში ძალადობაზე, სტერეოტიპებზე, ტოლერანტობაზე და სხვ.
სემინარის მსვლელობისას ჩატარდა პრაქტიკული სავარჯიშოები, მოეწყო საინტერესო დისკუსია, სადაც მონაწილეებს საშუალება ჰქონდათ განეხილათ, როგორც აღნიშნულ თემასთან დაკავშირებული საკითხები, ასევე ერთმანეთისთვის გაეზიარებინათ საკუთარი გამოცდილება.