2013 წლის 20 ივლისიდან 31 ივლისის ჩათვლით, ახალდაბაში,პროექტის - ,,სამშვიდობო ბანაკები სამხრეთ კავკასიაში მცხოვრები მოზარდებისთვის“ - ფარგლებში გათვალისწინებული  სამშვიდობო ბანაკის პირველი ეტაპი გაიმართა. მასში მონაწილეობა  ქართველმა, აფხაზმა, სომეხმა და აზერბაიჯანელმა 16-დან 18 წლამდე  სამოცმა ახალგაზრდამ მიიღო. ხოლო მეორე ეტაპი გაიმართება სომხეთში, 5 აგვისტოდან  14 აგვისტოს ჩათვლით.

2013 წლის 15-16 ივლისს, ფონდ "ლაზარეს" ორგანიზებით, წმინდა სამების საკათედრო ტაძართან არსებულ ახალგაზრდულ ცენტრში, სასწავლო სახელოსნოებში სოციალურად დაუცველი მოზარდების მიერ შექმნილი ნამუშევრების გამოფენა გაიმართა, სადაც წარმოდგენილი იყო საიუველირო, მინანქრის, ჭედურობისა და ხეზე ნაკვეთი ნამუშევრები, ასევე აკვარელში შესრულებული ნახატები და მოზარდების მიერ შეკერილი ტანსაცმელი. 

2013 წლის 9-13 აპრილს, ბორჯომში, სასტუმრო ,, ბორჯომის ხეობაში“, ფონდ ,,ლაზარეს“ და სომხეთის არასამთავრობო ორგანიზაცია ,,სიუნიკის“ ორგანიზებით პროექტის- „სამშვიდობო ბანაკები სამხრეთ კავკასიაში მცხოვრები მოზარდებისთვის“- ფარგლებში მონაწილე ახალგაზრდებისთვის ჩატარდა ტრენინგი ლიდერობაში, არაფორმალური განათლების ახალგაზრდული ცენტრის  "მზიანი სახლის“ ტრენერის ნინა გოგოლაძის მიერ.

2010 წლის 1თებერვლიდან, საქველმოქმედო ფონდი „ლაზარე“, სააქციო საზოგადოება ,,თელასის’’ ფინანსური მხარდაჭერით იწყებს ახალ პროექტს- „სახელობო პროფესიული სწავლების ორგანიზება სოციალურად დაუცველი მოზარდებისთვის,’’

2009 წლის 3 ნოემბერს, ფონდ „ლაზარეს“ ორგანიზებით გაიმართა საქველმოქმედო კონცერტი, რომელიც ტრენინგებისა და კონსულტაციების ცენტრმა(CTC) დააფინანსა, სადაც წარმოდგენილი იყო ფონდის საქმიანობის ამსახველი ფოტო და ვიდეო მასალა, ასევე სასწავლო სახელოსნოებში მოზარდების მიერ შექმნილი სხვადასხვა ნამუშევრები.